കേരളത്തിലെ പ്രമുഖരായ 51 ഓളം താന്ത്രിക യജ്ഞാചാര്യന്മാർ നേതൃത്വം കൊടുക്കുന്ന മഹാ യജ്ഞമാണ് മാർച്ച്  നടക്കുന്നത് എല്ലാവിധ തടസ്സങ്ങളും മാറി കിട്ടുന്നതിന് വേണ്ടിയുള്ള അഷ്ടദ്രവ്യ മഹാഗണപതി ഹോമത്തോടെയാണ് തുടക്കം. രോഗനിവാരണത്തിന് ആരോഗ്യസിദ്ധിക്കും കാര്യസിദ്ധിക്കുമായിധന്വന്തരി ഹോമം, സർവ്വ സൗഭാഗ്യ ലബ്ധിക്കായി ഭാഗ്യസൂക്ത ഹോമം, ജാതക ദോഷത്തിന് നവഗ്രഹപൂജ.

പെട്ടെന്നുള്ള കാര്യസാധ്യതയ്ക്കായി ക്ഷിപ്ര ഗണപതി ഹോമം. ഐശ്വര്യത്തിനും സമ്പൽസമൃദ്ധിക്കുമായി മഹാശ്രീ ചക്രപൂജ, വിവാഹ തടസ്സങ്ങൾ മാറി കിട്ടുന്നതിനും ദാമ്പത്യ സൗഖ്യത്തിനും ദീർഘ മംഗല്യത്തിനുമായി സ്വയംവര പാർവതി പൂജ, ശത്രുതവിമുക്തിക്കും മത്സര വിജയത്തിനും മഹാസുദർശന ഹോമം, ബിസിനസ്സ് പുരോഗതിക്കും ഐശ്വര്യലബ്ധിക്കുമായി മാതംഗി പൂജ, സന്താനം ലഭിക്കാൻ വേണ്ടി സന്താനഗോപാല മന്ത്രാർച്ചന, ജീവിത വിജയത്തിനും ശത്രുദോഷ പരിഹാരങ്ങൾക്കും കാലദോഷ പരിഹാരങ്ങൾക്കുമായി മഹാസർവൈശ്വര്യഹോമം എന്നിവയാണ് പ്രധാന പൂജകൾ.

ഭാരതത്തിൽ ആദ്യമായി 108 ഹോമ കുണ്ഡങ്ങളിലായി 108 കുടുംബങ്ങൾ ദേവി സഹസ്രനാമം ദശലക്ഷം ആവർത്തി ചൊല്ലി ഹവനം ചെയ്യുന്നു .സമൂഹ ഹോമവും സമൂഹ പൂജയും ആണ് ഈ യജ്ഞത്തിൻ്റെ പ്രത്യേകത.ഓരോ പൂജയുടെയും പ്രത്യേകതകൾ വിശദമായി ബ്രോഷറുകളിലും വെബ്സൈറ്റുകളിലും കൊടുത്തിട്ടുണ്ട് . മനുഷ്യരെ ദൈവികതയിലേക്ക് പ്രകൃതിയുമായി സമന്വയിപ്പിച്ചുകൊണ്ട്, ആത്മീയവും ഭൗതികവും ആയ അഭ്യുന്നതിയിലേക്ക് നയിക്കുന്ന അതിവിശിഷ്ടവും പൗരാണികവുമായ കർമ്മമാണ് ഹവനം.